ӘҮ! (Ринат Нуруллин)

Ринат Нуруллин

ӘҮ!

(Шигъри башваткыч)

Дүшәмбе бер гуманоид

Чит планетадан килгән.

Җирдәге хәлләрне күреп,

Кунагыбыз «Ә» дигән.

Сишәмбе көн гуманоид

Гөман иткән «ӘҮ» диеп,

Ә чәршәмбе «ӘҮҮӘ» әйтеп

Алган үзенчә биеп.

Пәнҗешәмбе гуманоид

«ӘҮҮӘҮӘӘҮ» дип көйләгән...

Шимбә көнне әфәндебез

Нинди сүзләр сөйләгән?

Кулланылган әдәбият

1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.