Эт төше (Ринат Нуруллин)

Ринат Нуруллин

ЭТ ТӨШЕ

(Шигъри башваткыч)

Төш күрми димәгез этне,

Этләр дә төш еш күрә.

Авызына сөяк кабып,

Эт төшендә йөгерә.

Мондый сөякне моңарчы

Тапканы юк берәүнең:

Дөньяда иң һуш ислесе,

Дөньяда ул иң тәмле!..

Өч минут йокы саен эт

Күргән икешәр сөяк.

Төшкә йөз сөяк керсен дип,

Күпме йокларга кирәк?

Кулланылган әдәбият

1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.