Тәләһһеф
АВТОР Габдулла Тукай

Тәләһһеф


Мәлганәт, пычрак вә ялган берлә тулган безнең эч;
Бар начарлыктан, бозыклыктан гыйбарәт безнең эш.

Шаккатабыз тышкы зиннәтләр, киемнәргә карап;
Җан сатабыз әллә нинди вак «тиеннәргә» карап.

Керләнә өст-өстенә рух, һич хозур вөҗданга юк;
Ни сәбәптән җир йөзендә тәнгә — мунча, җанга — юк?!

Тәлзһһеф — кайгыру, хәсрәтләнү.
Мәлганәт — түбәнлек, явызлык.


?