Профессор чәүкә (Ринат Нуруллин)

Ринат Нуруллин

ПРОФЕССОР ЧӘҮКӘ

(Шигъри башваткыч)

Ике өергә бүленеп,

Ун чәүкә очкан талдан.

Унберенчесе - профессор -

Болай уйланып калган:

«Ашыкмыйча ачыклыймчы,

Була аламы мөмкин -

Төркемнәрдәге кошларның

Аермасы бишкә тиң?»

...Галим чәүкә нидер яза,

Каләм очлап каурыйдан.

Аның нәрсәләр язганын

Күреп булмый кырыйдан.

Бәлки, син дә ак кәгазьне

Саннар белән бизәрсең,

Мөгаен, әйтеп бирерсең

Эзләнү нәтиҗәсен.

Кулланылган әдәбият

1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.