Борча һәм борыч (Ринат Нуруллин)

Ринат Нуруллин

БОРЧА ҺӘМ БОРЫЧ үзгәртү

(Шигъри башваткыч)


Борча борыч сатып алган,

Бер исни, бер төчкерә.

Төчкергәне ишетелми,

Чөнки борча кечкенә.


Төчкермәс иде дә, бәлки,

Борчаның борын сизгер -

Чирләр китә, гадәт китми

Хет сикермә, хет сикер.


Бер төчкергәндә борчаның

Оча ярты борычы.

Борча, борыч оча диеп,

Томалый борын очын.


Серне күпме сакласаң да,

Барыбер ул ачыла -

Борча борычы оча дип,

Барча борча борчыла...


Борча биш тапкыр төчкерсә,

Шуны әйт син чамалап:

Сигез килограмм борычтан

Күпме борычы кала?



Кулланылган әдәбият үзгәртү

1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.